Poderán participar no concurso todos os nenos e nenas ata os 14 anos de idade sempre que as obras que presenten se axustense ao estipulado nas bases. As categorías establecidas son:

• ata 7 anos
• de 8 a 11 anos
• de 12 a 14 anos

COMO PARTICIPAR

• Os relatos deberán ser orixinais e inéditos. Tema libre.
• Os contos poderán escribirse en lingua castelá ou en lingua galega.
• Os textos poderán presentarse de dúas formas: a man (con letra moi clara!) ou a computador
• Presentaranse en tamaño A4 e cubertos por unha soa cara. Máximo de 4 follas.
• No caso de nenos que aínda non saben escribir, admitiranse contos transcritos polos pais ou contados a través de imaxes.
• Cada participante poderá presentar como máximo un conto.
• Os traballos realizados presentaranse baixo un "alias" ou pseudónimo. 
• Os contos entregaranse no mostrador da sala infantil da Biblioteca Os Rosales dentro do prazo establecido.
• Os representantes legais dos participantes consenten expresamente a publicación dos datos dos mesmos, así como fotografías e conto, nos medios onde a Biblioteca Municipal Os Rosales anuncie o resultado do concurso. Con todo, estes poderán en calquera momento exercer o dereito de acceso, rectificación, cancelación e oposición, nos termos establecidos na Lei Orgánica 15/1999.  Toda difusión farase citando o "alias" ou pseudónimo escollido.
• O xurado estará formado polo persoal da biblioteca, que seleccionará tres finalistas por cada categoría. Os contos finalistas publicaranse no Facebook das Bibliotecas Municipais e da Asociación de veciños  para que os gañadores sexan elixidos por votación dos veciños.
• Unha vez feito público o fallo do xurado, os traballos poderán ser retirados polos seus autores. Se trancorrido un mes non son recollidos, enténdese que renuncian aos seus traballos podendo neste caso os organizadores dispoñer libremente deles.
• A participación neste concurso supón a aceptación dos termos da convocatoria expostos nas bases do concurso.

E OS PREMIOS...?

• Establecerase un premio por categoría. Ademais, todos os gañadores, xunto cos seus traballos, serán protagonistas no próximo número da revista da Asociación.

E colorín e colorado, este conto aínda non está rematado!
Moita sorte a todos e a todas!