"Nunca poderei esquecer os momentos que compartín nestas festas coa miña familia, concretamente co meu avó; máis concretamente co meu avó Secundino. Lembro que de pequeno, desexaba que chegase o momento do brinde despois da cena de Noiteboa, nese intre, o meu avó miraba para min, chiscábame o ollo, e nos sentábamos xuntos no sofá, ó lado da lareira.... Ese era o momento máis especial das miñas festas de nadal, o momento no que, dos beizos do meu avó, saían interminables historias que quedaron prendidas para sempre no meu corazón"

RAMIRO NEIRA (Ribadavia, Ourense, 1977) é Diplomado en Maxisterio (especialista en Audición e Linguaxe) e ten moitos anos de experiencia en Galicia como actor, director, docente, productor e distribuidor de diferentes espectáculos de Teatro. Como actor traballou e traballa con diferentes grupos de Teatro: Artestudio Teatro, Sardiña, Tea, Estragón, Grupo Institucional da Universidade da Coruña, Teatro da Bufarda, Espello Cóncavo, Teatro da Lúa, Casa Hamlet, Patatín e Patatán, entre outros.
Actualmente compaxina os seus traballos como docente, actor e director ca Coordinación de diferentes proxectos do Concello de A Coruña e do Forum Metropolitano, como son o Programa Horas Punta, Mostra de Teatro Escolar e os Encontros de Teatro Independente de A Coruña.