Na anterior edición participaron máis de 70 grupos de toda Galicia que deron mostra do traballo realizado e colaboraron coa asociación nos obxectivos de estender, difundir e dignificar a música galega.

Este concurso consta de tres modalidades diferentes: pandeireta, cuartetos de gaita e gaiteiro solista. No apartado de pandeireteiros/as conta con tres categorías, mentres que nos de cuartetos de gaita e de gaiteiro solista existirá unha única categoría. Concederanse tres premios por categoría, que se determinarán pola media das idades dos compoñentes do grupo e que ningún deles superará a media da categoría en máis de dous anos.

No concurso poden participar grupos de asociacións folclóricas, centros parroquiais, asociacións culturais e recreativas, asociacións xuvenís, etc. e todos os gaiteiros solistas que o desexen procedentes de toda Galicia. Todos os grupos participantes deberán cumprir as bases do concurso, onde se indica que é obrigatorio o uso de traxe tradicional.

Cada grupo terá un tempo límite de 5 minutos, quedando descualificado o grupo que exceda o dito tempo. O xurado no momento da cualificación terá en conta: autenticidade e dificultade da peza, afinación e interpretación e expresividade na interpretación. http://www.xacarandaina.com/index.php?option=com_content&view=article&ide=12&Itemid=18&lang=gl

Máis información en http://www.xacarandaina.gal/