A OFERTA DE ACTIVIDADES atenderá a todos os públicos e concrétase en:

1. Mostra Bibliográfica "Os mellores da lingua". Selección dalgunhas das mellores obras da literatura galega, abarcando poesía, narrativa, teatro, ensaio e cómic. Haberá mostras específicas de adultos, xuvenil e infantil. Ata o 30 de maio.

2. Wiki "Os mellores da lingua", un espazo en internet de difusión e información sobre as obras escollidas para as mostras bibliográficas.

3. Fotocol #m8mepresta, para divulgar de forma lúdica nas redes sociais fotografías de usuarios e usuarias das bibliotecas recomendando libros e achegando motivos para animar á lectura na nosa lingua propia. Estará activo os días 14, 15 e 16 de maio, de 11 a 13 horas e de 18 a 20 horas.

As fotos publícanse en https://www.flickr.com/groups/2666536@N21/.

4. Recital Con dez poemas por barba, con María Lado e Lucía Aldao. Un recital diferente, divertido e que une poesía e música, destinado a público xuvenil e adulto. O venres 16 de maio, ás 19 horas.

5. Contacontos "O neno e a estrela", a cargo do colectivo Fabaloba e a partir do libro homónimo creado en relación á figura de X. M. Díaz Castro, autor homenaxeado este ano nas Letras Galegas. Será o luns 19 de maio, ás 18.30 horas.

6. Película documental "Os camiños esquencidos", sobre a vida e obra de Xosé María Díaz Castro, realizado polo alumnado do IES X. M. Díaz Castro de Guitiriz. A proxección terá lugar o martes 20 de maio, ás 16.45 horas, no Auditorio do Ágora.