20 de outubro de 2013
O dobre de corredores que hai un ano cruzaron a liña de meta dos Rosales demostrando que o atletismo popular séguese estendendo pola cidade graza a iniciativas como CoruñaCorre. Abdelkader Bouguerroudj e Paula Mayobre foron os vencedores absolutos da primeira das probas do circuíto, que continuará o próximo día 3 coa segunda cita en Novo Mesoiro.
1.314 atletas de todas as categorías, dende pitufo ata veteranos 4, cruzaron a liña de meta do Paseo Manuel Azaña nos Rosales, unha cifra que supera en máis do dobre aos 603 que o fixeron hai un ano na mesma proba. Con estas cifras a estrea do Circuíto de Carreiras Populares Coruña Corre volveu converterse nunha auténtica festa en familia na que participaron corredores de todas as idades. A vitoria absoluta foi para o atleta do Riazor Coruña Abdelkader Bouguerroudj cun tempo de 21.56, por diante dos deportistas do Coruña Comarca Roberto Vales (22.49) e Lino Seoane (23.05). En categoría feminina o triunfo foi para Paula Mayobre (23.23) do Bikila por diante de Uxía García (26.13) do Riazor e María Cristina Santiago (27.49) do Club Social Banco Pastor. Foron os máis rápidos en completar os case 6.500 metros do percorrido polo barrio dos Rosales e a súa contorna do Paseo Marítimo. Unha vez que os 821 (dos 827 que tomaron a saída) cruzaron a liña de meta, chegou a quenda para os máis pequenos, dende categoría xuvenil ata pitufos. 64 cadetes e xuvenís, 48 infantís, 164 benxamíns e alevíns e 217 pitufos completaron os diferentes trazados deseñados para eles, todos dentro xa do barrio. Á conclusión, tras o seu paso polo avituallamento de Begano, Gadis e Forno SanBrandán, que xunto con Viajes El Corte Inglés, patrocinan a proba, levouse a cabo a entrega de medallas. Mencía Paseiro, que onte cumpriu 10 meses e Jesús Montero, aos seus 73 anos, como a máis pequena e o maior dos participantes subiron a un pódium no que tamén recibiron as súas medallas:
Cadete masculino
Cadete feminino
Xuvenil masculino
Xuvenil feminino
Júnior masculino
Júnior feminino
Promesa masculino
Promesa feminino
Sénior masculino
Sénior feminino
Veteranos 1 masculino
Veteranos 1 feminino
Veteranos 2 masculino
Veteranos 2 feminino
Veteranos 3 masculino
Veteranos 3 feminino
Veteranos 4 masculino
Veteranos 4 feminino
Especial masculino
Todos os tempos totais e netos, así como o vídeo de chegada, pódense consultar a través deste enlace. Os atletas que queiran participar no circuíto ou formar equipo mixto aínda están a tempo de facelo se se inscriben para correr as cinco probas que restan, antes da segunda carreira, a do próximo domingo día 3 en Novo Mesoiro.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible