Negocios

Estrutura económica

De utilidade

O termo municipal da Coruña é un dos pulmóns da economía galega. Facendo unha análise comparativa entre as sete cidades galegas, compróbase que a cidade herculina é a de meirande recadación do imposto de actividades económicas, polo que resulta ser a de meirande intensidade económica.

A nivel industrial, é o municipio con maior peso relativo de Galicia por ser o de máis recadación do citado imposto.

En canto ao sector comercial, é a segunda cidade máis desenvolvida tanto en comercio por xunto como polo miúdo.

A Coruña destaca no sector turístico por ser unha das cidades máis importantes de Galicia debido á súa oferta en establecementos hoteleiros e pola ocupación anual que presenta. 

A análise por provincias móstranos que, con moita diferenza, a provincia coruñesa é punteira en Galicia a nivel industrial, comercial e turístico.