- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Bolsas de introdución á investigación "JAE Intro"
Inscricións:
Ata o 20/05/2024
300 bolsas para iniciar a estudantes universitarios na carreira científica nas diferentes áreas globais do CSIC (Vida, Sociedade e Materia), a través de estancias nos grupos de investigación que desenvolvan o seu labor nas diferentes estruturas de investigación (EI) coas que conta este organismo.
-
FP Innova Congreso de Innovación na Formación Profesional
Cando:
Dende o 24/04/2024 ata o 26/04/2024
A Consellería de Educación organiza FP Innova Galicia 2024, Congreso de Innovación na Formación Profesional, que terá lugar na Cidade da Cultura de Galicia.
-
Éche moita risa: O ImproVil
Cando:
24/04/2024
Match de Impro, no Café Tío Ovidio, onde dúas parellas compiten cada noite por ser a mellor.
-
2º aniversario da editorial Menino Morreu. Presentación libros
Cando:
27/04/2024
A Editorial Menino Morreu celebra o seu 2º aniversario no Centro Social Gomes Gaioso, coa presentación de dous libros.
-
Xornada de portas abertas no CMUS
Cando:
Dende o 02/05/2024 ata o 08/05/2024
Inscricións:
Ata o 26/04/2024
O Conservatorio Superior de Música da Coruña organiza unhas Xornadas de Portas Abertas para dar a coñecer tanto as súas instalacións como as diferentes especialidades/itinierarios das Ensinanzas Superiores de Música.
-
Ciclo de literatura "Somos o que lemos"
Cando:
25/04/2024
O ciclo de literatura "Somos o que lemos" da Fundación Luis Seoane é unha proposta coordinada por Javier Pintor que achega ao público a actualidade do panorama literario convidando aos seus protagonistas a participar nunha serie de presentacións de acceso libre que buscan establecer unha conexión entre autoras/es e lectores/as. Este mes Antonio Iturbe falará do seu libro "Música en la oscuridad".
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible