- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Axudas Injuve para a Creación Nova 2024/2025
Inscricións:
Ata o 20/05/2024
A Dirección Xeral do Instituto da Mocidade convoca as Axudas Injuve para a Creación Nova 2024/2025, destinadas a mozos creadores para proxectos a desenvolver durante o ano 2025 en ámbitos como as artes visuais, escénicas, música, literatura, deseño, cómic e ilustración.
-
Técnico/a de xestión económica e intervención do Concello de Fene
Inscricións:
Ata o 29/04/2024
Proceso selectivo para a cobertura, en quenda libre e mediante persoal funcionario de carreira, dunha vacante de técnico/a de xestión económica e intervención, polo sistema selectivo de oposición.
-
Lista de profesores e profesoras de música-pianista para a Deputación da Coruña
Inscricións:
Ata o 29/04/2024
Proceso selectivo para elaborar unha lista de persoal temporal para posibles nomeamentos como persoal funcionario interino e/ou contratacións laborais temporais para postos de profesor e profesora de música-pianista (grupo A1).
-
Certame "Microrrelatos da Ría" da Lonxa Literaria de Moaña
Inscricións:
Ata o 19/05/2024
A Asociación Cultural Lonxa Literaria, en colaboración co Concello de Moaña, convoca o certame de relato curto "Microrrelatos da Ría"
-
A táctica do colibrí
Cando:
Dende o 25/04/2024 ata o 13/10/2024
A Fundación Luis Seoane acolle a exposición "A táctica do colibrí" ,a cal afonda na relación entre activismo educativo e dereitos humanos a través de iniciativas como A Escola Libre de Cerámica de Sargadelos, a Escola Experimental de Arte de Deba en Guipúzcoa e outras propostas semellantes.
-
Xornada "Desinformación e Fake News: Unha Ameaza para a Democracia?"
Cando:
10/05/2024
Inscricións:
Ata o 09/05/2024
A Facultade de Dereito da Universidade da Coruña organiza en maio a xornada "Desinformación e Fake News: Unha Ameaza para a Democracia?"
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible