Vivenda

Que é o Servizo de Vivenda para a mocidade do CMIX?
É un programa do Concello da Coruña dirixido a orientar e asesorar a mocidade en materia de vivenda.
Trátase dun servizo gratuíto onde recadar a información e o asesoramento sobre temas de índole xurídica relacionadas coa vivenda, tales como:

• Información sobre as axudas e subvencións.
• Información sobre trámites que hai que seguir para mercar ou alugar.
• Asesoramento na redacción de contratos de aluguer, compra ou documentos relacionados (inventarios de bens, avais, contratos de sinal ou opción de compra etc.) 
• Asesoramento sobre conflitos relacionados con estes contratos, ou sobre cuestións relativas aos dereitos e ás obrigas das persoas que asinan.

Pasa polo Centro Municipal de Información Xuvenil da Coruña (no Fórum Metropolitano) de luns a xoves, de 17.00 a 20.00 horas, e informarémoste. Tamén podes chamar por teléfono (981 184 294) ou contactar por por correo electrónico.

AVISOS:

• Convocatoria  de subvencións a fondo perdido para a rehabilitación e renovación de calidade de vivendas no medio rural e conxuntos históricos de Galicia. Prazo: ata o 21 de agosto de 2010
• Convocatoria da concesión de subvencións para actuacións de rehabilitación baixo o Plan Renove do Plan de Vivenda e Rehabilitación 2009-2012.
• Publicado o decreto que regula o novo Programa Aluga. Entrada en vigor: 2 de agosto de 2010. As unidades familiares ou de conivencia inscritas no Programa de Vivenda en Aluguer e que non fosen adxudicatarias dunha vivenda en arrendamento, terán ata o 2 de xullo para inscribirse na Sección 4ª do Rexistro de Demandantes de Vivenda para poder manter a súa antigüidade.
• Entra en vigor o novo Rexistro Único de Demandantes de Vivenda da Comunidade Autónoma de Galicia.
• Empeza a funcionar o portal de información ao beneficiario da Renda Básica de Emancipación.
• Aberto o prazo para a solicitude de axudas dentro do Plan Renove de Ventás (INEGA): 01/12/2009 ata 30/10/2010
• Apertura do prazo para as axudas do Plan Renove de electrodomésticos (INEGA): 05/10/2009 - 30/10/2010
• Medidas urxentes para adoptar en materia económica, fiscal, de emprego e de acceso á vivenda, ( BOE 02 -12-2008): moratoria no pago de préstamos hipotecarios.