Listaxe novas

buscador

Día 23 de Febreiro de 2010

Resultados ordenados segundo a súa data de finalización

1 Páxinas:
1

Martes, 23/2/2010

Máis de 900 escolares participaron no proxecto de dinamización turística "O vagalume da Torre"

O primeiro tenente de alcalde, Henrique Tello, acompañou os nenos e as nenas do CEIP Curros Enríquez participantes nos talleres incluídos no proxecto "O vagalume da Torre" no marco da Escola-Taller Contorna Torre de Hércules, impulsado pola Concellaría de Promoción Económica, Emprego e Turismo do Concello da Coruña. Que pasaría na cidade se desaparecese a Torre de Hércules? Partindo desta ficción, "O vagalume da Torre" é un programa de participación social no que os nenos e nenas de 6º de primaria de todos os colexios da Coruña serán protagonistas na recuperación da nosa Torre con talleres de pintura e chapeus, convocatorias de mail-art e participando como xornalistas no blog http://ovagalumedatorre.es

Martes, 23/2/2010

O Concello cumpre o compromiso de conectar o polígono de Vío coa Terceira Ronda e o porto exterior

O goberno municipal aprobará no próximo pleno a modificación puntual do Plan Xeral en vigor para o acceso ao polígono de Vío dende a Terceira Ronda. Desta forma, o Concello da Coruña demostra o seu compromiso co desenvolvemento das grandes infraestruturas da cidade para facilitar a conexión viaria entre dous grandes polos de crecemento da cidade, como o polígono de Vío e o porto exterior.

Martes, 23/2/2010

Javier Losada estende a facebook e twitter a súa presenza nas redes sociais para achegarse máis aos coruñeses

O alcalde da Coruña, Javier Losada, abriu unha páxina en facebook e en twitter co fin de ampliar a súa presenza nas redes sociais e así achegarse aínda máis aos coruñeses. No desexo de aproveitar os últimos avances que ofrecen as novas tecnoloxías e co fin de poñelos ao servizo da cidadanía, o alcalde dá un paso máis no seu obxectivo de manter unha comunicación próxima e o máis inmediata posible cos veciños.

Martes, 23/2/2010

Cursos de informática, Internet e ofimática nas bibliotecas municipais

Lista dos cursos de informática, Internet e ofimática das bibliotecas municipais da Coruña.