Negocios

Mercado de traballo

De utilidade

A Coruña soubo concentrar entre os seus límites e arredores un gran potencial en canto a traballadores se refire.

O investidor atopará, sen lugar a dúbidas, a man de obra cualificada necesaria para calquera tipo de actividade empresarial. Esta particular circunstancia é consecuencia inmediata do espectacular desenvolvemento da Universidade da Coruña, a presenza na cidade dunha sede da UNED (Universidade Nacional de Educación a Distancia) e a proximidade dunha terceira institución universitaria na provincia da Coruña, a  Universidade de Santiago de Compostela. Tamén é importante destacar que estes recursos humanos presentan proporcionalidade equilibrada entre os dous sexos.

A estrutura do mercado laboral ten o claro perfil dunha sociedade de servizos, en crecente proceso de diversificación e especialización. O auxe relativo da actividade económica na Coruña e a súa área metropolitana repercutiu notablemente na cidade como se reflicte na importante diminución do paro rexistrado.