A chegada do mes de novembro marca o comezo dunha festividade moi especial, con multitude de manifestacións populares. Nos nosos días é frecuente a mestura entre tradicións do mundo cristián con tradicións pagás e mesmo do mundo anglosaxón, que converteron esta celebración nunha das máis destacadas do outono.

Desde finais de outubro os centros cívicos municipais da Concellaría de Xustiza Social e Coidados organizan diversas actividades entre as que destacan as festas de Samaín, dirixidas a nenos e nenas ata os 12 anos de idade.

As festas son gratuítas pero as persoas interesadas accederán mediante convite, que poden recoller no centro cívico correspondente.

Os menores deberán estar acompañados dun adulto durante a festa.

Para maior información diríxete ao teu centro cívico.