Con motivo do Día Internacional contra a Violencia de Xénero, o Concello da Coruña desenvolverá os seguintes actos:

• Lectura do Manifesto en Contra da Violencia de Xénero a cargo do alcalde na Praza de María Pita ás 12.00 h.
• XI festival Libérate desenvolverase no Centro Cívico Os Mallos o 24 de novembro ás 19.00 h.
• Sesión informativa sobre malos tratos e abuso sexual á infancia: dirixida especialmente a aquelas familias e profesionais que traballan directamente con menores. Desenvolverase o día 26 de novembro no centro cívico Rosales de 18.30 a 20.30 h. A dita sesión será impartida por Miguel Clemente Díaz, catedrático de psicoloxía social e xurídica da Universidade da Coruña.
• Estrea da curtametraxe "Diario sin candado" o día 27 de novembro ás 19.30 h no Centro Cívico Castrillón. Dirixido a toda a poboación.

Sipnose: a difusión dunhas fotos persoais de Lucía crispan as relacións interpersoais no seu instituto. Todo parece indicar que Raúl, o seu noivo, foi o responsable da súa difusión.

A curtametraxe, interpretada por mozos e adolescentes da cidade, fai fincapé na privacidade, na autoimaxe e na sobreexposición persoal nas redes.

• Ciberviolencia de xénero na rede: Taller onde aprenderemos a identificar as diferentes formas de ciberacoso, relacionadas coa violencia de xénero. Está dirixida especialmente a familias e profesionais que traballan directamente con menores. Desenvolverase o día 28 de novembro de 18.30 a 20.30 h na Aula CEMIT (Centro Cívico Eirís). Será impartido polo Colexio profesional de Enxeñería en Informática de Galicia. Para inscribirse sigue este enlace.