Con motivo do Día internacional contra a explotación sexual e a trata de persoas realizarase, no Centro Cívico Os Mallos, un acto central no que intervirán:

• A socióloga Silvia Pérez Freire, que nos falará sobre a trata sexual e os axentes implicados nela.
• Médicos do Mundo tratará sobre as ferramentas contra a trata.
• E por último, Clan de Bichos, ofreceranos o espectáculo "CAPERUCITAS, esclavas del lobo" (teatro, audiovisuais e cancións en directo contra a trata).

A través deste acto a Concellería de Servizos Sociais do Concello da Coruña persegue incrementar a concienciación cidadá arredor da trata de persoas con fins de explotación sexual, da vulneración dos dereitos humanos que supón e das súas vítimas, maioritariamente mulleres e nenas.