Estas actividades están dirixidas a menores con idades comprendidas entre os 4 e 12 anos con necesidades educativas especiais. As actividades programadas son as seguintes:

Taller de expresión corporal e educación musical no C.C. Mesoiro

• Día e hora: martes de 17.00 a 18.30 h
• Custo: 7.74 €
• Dirixida a: menores con idades comprendidas entre os 4 e 7 anos
• Lugar: Centro Cívico Mesoiro

Taller de informática no C.C. San Diego

• Día e hora: martes de 17.00 a 18.30 h
• Custo: 7,74 €
• Dirixido a: menores con idades comprendidas entre os 8 e 12 anos
• Lugar: Centro Cívico San Diego

Taller de debuxo e manualidades no C.C. Monte Alto

• Día e hora: mércores de 16.30 a 18.00 h
• Custo: 7,74 €
• Dirixido a: menores con idades comprendidas entre os 4 e 7 anos
• Lugar: Centro Cívico Monte Alto

Estas actividades están orientadas á participación de menores con necesidades educativas especiais e serán impartidas por monitorado especializado e contarán cun monitor/a de apoio para tarefas exclusivamente de carácter pedagóxico. Non se acometerán tarefas que requiran funcións médicas ou hixiénico-sanitarias.

Ademais destas actividades, realizaranse dous talleres dirixidos á participación de menores con necesidades educativas especiais xunto ás súas familias. Estas actividades en familia son as seguintes:

Taller de relaxación en familia no C.C. Labañou

• Día e hora: sábados de 12.15 a 13.30 h
• Custo: 7,74 €
• Dirixido a menores con idades comprendidas entre os 8 e 12 anos. Os menores participarán acompañados da súa familia.
• Lugar: Centro Cívico Labañou

Taller de cociña en familia no C.C. Castrillón

• Día e hora: os sábados de 17.00 a 18.30 h
• Custo: 7,74 €
• Dirixido a menores con idades comprendidas entre os 8 e 12 anos. Os menores participarán acompañados da súa familia.
• Lugar: Centro Cívico Castrillón

Nestas actividades, que se realizan en familia, os menores teñen que ir acompañados obrigatoriamente dunha persoa responsable (pai/nai/titora legal ou outra persoa autorizada).

Proceso de solicitude das actividades de lecer para menores con necesidades educativas especiais.

• Preinscrición: 4, 5 e 6 de setembro, en horario de 10.00 a 13.30 e de 16.30 a 20.00 h.
• Sorteo: 6 de setembro ás 20.15 h.
• Publicación de listas de admisións: 19 de setembro nos centros cívicos onde se realizan as actividades, nesta páxina web e no teléfono de información cidadá 010.
• Inscrición: 22, 23 e 24 de setembro, en horario de 10.00 a 13.30 e de 16.30 a 20.00 h.
• Lugar: a preinscrición e inscrición realizaranse nos centros cívicos onde se desenvolve cada actividade.
• Consulta en cada centro cívico as datas de inicio e finalización destas actividades.