A Xunta de Galicia no marco das competencias en materia de benestar social destinadas ás persoas maiores, e sendo conscientes de que na promoción da autonomía persoal, así como na prevención e na detección precoz da dependencia están as claves para que as persoas maiores poidan gozar dunha vida máis saudable e independente leva a cabo unha estratexia que ten como obxectivos fomentar a prevención da dependencia e a promoción da autonomía persoal, tanto no ámbito da promoción e mantemento como no de actividades de lecer e tempo libre, e así contempla entre as propostas de actuación as relativas á potenciación de programas de actividades de lecer, entre eles o programa de turismo termal. Por iso, convoca as prazas do Programa de Benestar en Balnearios 2015. A convocatoria está publicada no Diario Oficial de Galicia do 24 de abril.