Concello da Coruña

Concello da Coruña

Bono-taxi

Esta prestación ten por obxecto a concesión de axudas económicas individuais a persoas con discapacidade que, por estar gravemente afectadas na súa mobilidade, teñan problemas para utilizar os transportes públicos colectivos, co obxecto de proporcionarlles un servizo de desprazamentos en taxi.

A quen vai dirixido?:

Persoas con discapacidade que por estar gravemente afectadas na súa mobilidade teñan problemas para utilizar os transportes públicos colectivos.

Organiza:

Concello da Coruña

Requisitos:

Ademais dos previstos con carácter xeral no artigo 13 da Lei xeral de subvencións, son requisitos os seguintes:

- Ser maior de 3 anos

- Residir no Concello da Coruña e constar empadroada/ou desde, polo menos, 6 meses anteriores á data de inicio do prazo de presentación de solicitudes. O Concello poderá esixir a acreditación documental deste extremo mediante a presentación de recibos de consumo periódico que acrediten o uso habitual da vivenda.

- Ter recoñecida legalmente a condición de persoa con discapacidade mediante a resolución ou documento equivalente polo organismo competente da Xunta de Galicia ou Administración competente, onde conste que a discapacidade afecta gravemente á mobilidade e impide utilizar os transportes públicos colectivos.

- No caso de que a persoa solicitante estea en activo, non ter recoñecido este beneficio por convenio colectivo, contrato laboral ou calquera outro título acreditativo.

- Non ter dereito a este servizo a través de ISFAS, MUFACE ou outra entidade.

- Se a persoa é maior de 18 anos, non constar como titular de vehículo.

- Non dispoñer duns ingresos superiores ao 210% do IPREM vixente.

- Estar ao corrente das obrigas fiscais coa Axencia Estatal da Administración Tributaria (AET), coa Comunidade Autónoma de Galicia e co Concello da Coruña así como coa Tesourería da Seguridade Social.

Prazo de presentación:

Convocatoria ano 2020: Do 28 de xaneiro ao 27 de febreiro de 2020.

Máis información:

Na Oficina Municipal de Dependencia, Maiores e Discapacidade

Tamén che pode interesar

  • Impreso de solicitude xeral (80 KB)

Trámites

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión