Os coruñeses poden ver os resultados das escavacións do Proxecto Artabria a través dun percorrido virtual no Fórum Metropolitano.

Os responsables dos traballos arqueolóxicos desenvolvidos no castro de Elviña multiplican por seis o tamaño orixinal da localización. Concluída a segunda campaña de escavacións, localizaron seis mil novas pezas. Os achados confirman a existencia dunha cidade poboada por 2.000 persoas.

Reiniciáronse as obras de escavación no xacemento arqueolóxico do castro de Elviña, despois de dúas semanas de descanso durante as que os expertos organizaron o material atopado.