A crise económica reduce a preocupación polo cambio climático

09/09/2011

A crise económica reduce a preocupación polo quentamento global a escala mundial, segundo a "Enquisa Global Nielsen 2011 sobre Medio e sostibilidade", realizada en 51 países.
Aínda que o 69% dos internautas a nivel global declaran estar concienciado co cambio climático e o quentamento global, descendeu do 72% que o declaraba así no ano 2007. Non obstante, outros asuntos ambientais están a cobrar maior protagonismo como a contaminación do aire (77%), e a contaminación da auga (75%). Pero as áreas onde a preocupación remonta máis rápido entre o 73% dos consumidores globais son o uso de pesticidas, os desperdicios de envases e a escaseza de auga, onde a preocupación aumentou 16, 14 e 13 puntos respectivamente. Os expertos atribúen este cambio á recesión económica e á falta de atención continuada sobre o cambio climático nos medios de comunicación.