Identificouse unha aplicación dispoñible en Google Play que conta xa con máis de 50.000 descargas, e que utilizando como pretexto unha suposta funcionalidade para ver en roupa interior as persoas escaneadas, intenta enganar as persoas usuarias para que por unha banda se subscriban a servizos de tarificación especial (SMS Premium) e por outro, que compren un antivirus tras alertar de que o sistema está infectado. A aplicación «Escáner Desnudo» conta xa cun total de entre 50.000 e 100.000 descargas. Así mesmo, identificouse outra aplicación, de nome «Super Jumper X», cun comportamento similar e que conta xa con máis de 1.000 descargas. Por iso, non se descarta que haxa máis aplicacións similares e recoméndase especial atención e coidado á hora de seleccionar as aplicacións para instalar nos dispositivos móbiles.