|
En pleno século XXI, a cidade da Coruña
quere ser unha cidade moderna, plural e acolledora. Dende o Concello
da Coruña somos conscientes de que a vida urbana require cambios
culturais profundos que sirvan de motor de transformación dunha
sociedade diversa e aberta a múltiples influencias.
Nos últimos anos, a cidade da Coruña foi capaz
de protagonizar unha transformación e modernización que a converteron
nunha das cidades españolas máis atractivas. Esta transformación
é o resultado da posta en marcha de múltiples programas e
proxectos que tiñan (e seguen tendo) en común o desexo de
modernización e participación social.
Por iso a cultura que ambicionamos para a nosa
cidade debe admitir tanto os grandes eventos que as institucións
poden promover, como todos aqueles actos culturais que xorden en
diversos puntos da Coruña ou as innovacións artísticas de
novos creadores. Debemos facer nosas estas manifestacións
cidadás como mostra da riqueza e da pluralidade da nosa sociedade.
A oferta cultural e educativa municipal estivo
enfocada fundamentalmente en converter os coruñeses, especialmente
nenos e mozos, nos auténticos protagonistas dunha programación da
que se presentan os resultados co desexo de que fósemos capaces
de responder ás demandas que cada vez con meirande intensidade
nos traslada a cidadanía.
Confiamos en que fósemos quen de responder
a estas expectativas e para iso o Concello seguirá buscando alternativas
e proxectos que satisfagan as necesidades culturais e educativas,
dende ámbitos como a música, o teatro, as exposicións, a
educación e outros moitos.
Carmen Marón Beltrán
Concelleira coordinadora da Área de Benestar e Cultura
|
