A aula da enerxía

Transmitirlle á cidadanía, especialmente á poboación escolar, os coñecementos necesarios sobre as enerxías limpas existente é o obxectivo da Aula das Enerxías.

Este proxecto desenvolverase, na súa versión física, no edificio da Planta de Coxeración do Parque de Bens, e a súa configuración e as actividades asociadas están sendo motivo de estudo e de análise para que a interactividade sexa a súa principal característica.

A versión virtual estrutúrase en tres apartados:

“O aforro enerxético” propón unha serie de consellos útiles e moi doados de levar a cabo para reducir o consumo de enerxía a través dun percorrido interactivo por tres contornos diferentes (casa, transporte e oficina). Con este aforro gañas ti e gaña o medio ambiente.

Na sección de “A vivenda eficiente” descubrirás un modelo de vivenda que reúne as características idóneas para o mellor aproveitamento enerxético e respecta ao máximo o noso contorno.

Por último, en “As enerxías renovables” coñecerás máis de preto as enerxías non contaminantes e inesgotables que xorden como alternativas ás xeradas por combustibles fósiles ou isótopos radioactivos. Comprobarás graficamente como funciona unha presa hidroeléctrica, como producen enerxía os residuos orgánicos…

Podes acceder á Aula das Enerxías facendo clic no botón que aparece a continuación. A información de cada apartado complétase con varios arquivos PDF que poderás descargar, simplemente, premendo sobre as iconas correspondentes.

 Aula das Enerxías