Esta oficina virtual nace co propósito de achegar algúns dos principais servizos da Área de Medio Ambiente ao interior dos seus domicilios, empresas e institucións de todo tipo, co fin de que os desprazamentos aos centros municipais se reduzan ao estritamente necesario, creando unha administración máis accesible ao conxunto da cidadanía.

Aínda que de forma simbólica, tamén supoñerá a redución das emisións á atmosfera ocasionadas con motivo dos desprazamentos en vehículo propio aos puntos de información e rexistro do concello, incrementando a contribución individual á sostenibilidade global.

Coas súas contribucións intentaremos perfeccionar progresivamente esta oficina virtual e facela extensiva á totalidade dos trámites e procedementos da Área de Medio Ambiente.