Vexo Vexo

Os que máis saben din que só se quere, coida e respecta aquilo que se coñece. Por iso encamiñamos os obxectivos deste Programa de Educación Ambiental a darlles a coñecer o noso medio natural máis próximo aos máis novos.

Saber o por que e o como dos diferentes ecosistemas que nos rodean. Identificar algúns dos seres vivos que nos acompañan neste pequeno anaco de terra chamado A Coruña. En definitiva, coñecer un pouco máis os nosos compañeiros de convivencia, a biodiversidade que se move arredor de nós.