Configuración

O Sistema de Información Medio Ambiental da Coruña, que a partir deste momento denominaremos SIMA, nace como un servizo público para a cidadanía, e configúrase así unha estrutura baseada no fluxo de información entre o Concello e os diferentes usuarios da web.

Aínda que non hai que esquecer que o conxunto do portal é en si mesmo un Sistema de Información Ambiental, quixemos agrupar coa denominación de SIMA o apartado do que forman parte o banco de datos  e a  normativa ambiental , pois neles poderase atopar toda a información ambiental que lle afecta ao noso municipio, sen prexuízo de acudir á oficina virtual  ou ao centro de publicacións , que debido ao seu peso dentro do portal xustifica que formen seccións diferenciadas.