 Monte de San Pedro
O monte de San Pedro representa un exemplo dunha grande área de ocio recuperada
para a cidade. Se todo este extremo urbano viviu nos últimos anos unha
gran revitalización coa presenza dun novo barrio, de centros comerciais
e da realización de obras de goce e celebración cidadá como
o paseo
marítimo ou o Millennium , o monte de San Pedro significa a culminación
dunha gran transformación.
É a transformación dunha área, ata agora unha zona marxinal
por diversas razóns de carácter histórico e de uso, nun
lugar público de esparexemento para a cidade e a súa área
metropolitana.
A cesión e o abandono por parte dos militares dun terreo que levaban
ocupando dende había anos posibilitoulle ao Concello da Coruña
comezar unha serie de obras, hoxe rematadas nas súas primeiras fases,
pero aínda en constante avance, de rehabilitación e axardinamento
para a súa rápida conversión en parque público municipal.
O
comprende unha ampla extensión de territorio de accidentada topografía
e vistas excepcionais sobre a cidade da Coruña e unha ampla franxa de
costa, que abarca dende o cabo San Adrián e as illas Sisargas ao oeste,
ata os cabos Prior e Prioriño ao noreste.
Cobra especial presenza o borde litoral, coas súas características
formacións rochosas ,
flora e fauna. Ladeiras de toxos e uces, de cores amarelas e rosas, nas que
se mesturan outras especies vexetais típicas de ambientes costeiros,
incluíndo algunhas plantas endémicas que prosperan ante o respecto
ao seu hábitat. E sobre elas, multitude
de pequenas aves como papuxas, xílgaros ou pardais que sucan
o parque proporcionando colorido e vida.
A anterior ocupación militar, debida á situación estratéxica
deste punto xeográfico orientado á entrada da ría coruñesa,
deixou a súa pegada nun conxunto de construcións que supoñen
un grande atractivo. Refuxios subterráneos, barracóns
para a tropa, garitas e, sobre todo, as espectaculares baterías de costa,
recuperáronse cunha intención patrimonial que deixe marca nas
xeracións futuras como o fixo coas pasadas.
E aos pés do parque, a cidade. Para a gran maioría dos coruñeses
observar a cidade dende aquí significa ter unha nova visión da
que nunca dispuxeron. E para os visitantes é descubrir a globalidade
da nosa cidade, poder enmarcala nunha vista aérea e situar a
baía do Orzán, a Casa do Home ou a dos Peixes, a Torre de Hércules
e gran parte dos puntos emblemáticos da urbe.
E para completar o espazo en si mesmo, a dotación de camiños
e sendeiros para percorrelo, áreas axardinadas, mobiliario público,
estanques e paneis informativos... a infraestrutura necesaria para facer da
visita unha experiencia agradable e que deixe pegada en nós.
En definitiva, no
conseguiuse recuperar unha gran superficie para o lecer e goce da cidadanía
e integrala nun conxunto de actuacións encamiñadas a elevar aínda
máis a calidade de vida dos coruñeses e dos seus visitantes.
 Monte de San Pedro
» Fotos 360º
 Parque de San Pedro (dende un canón)
Parque de San Pedro (miradoiro)
|
