Rede de vixilancia

A Ordenanza Municipal prevé a obrigatoriedade de contar cun sistema de monitoreo en continuo cando se pretende instalar unha estación de radiocomunicación a unha distancia inferior aos cen metros dun espazo considerado sensible. Esta rede permitirá ofrecerlle información de calidade á poboación sobre os niveis de campo electromagnético aos que se ve sometido.

O Concello, pola súa parte, comezou o proceso de contratación dunha rede propia, composta por tres estacións, que servirá de referencia para o correcto despregamento das que lles corresponde instalar ás operadoras.

Para determinar as localizacións idóneas, realizouse un estudo previo para a caracterización das emisións radioeléctricas en toda a cidade.