 Diagnóstico municipal
O ano 2001 a Área de Medio Ambiente realizou un
sobre o estado da rede de telefonía na cidade, no que se inventariaron
todas as instalacións e se efectuou un rexistro de instalacións
existentes que se actualizará posteriormente cos datos proporcionados
polas operadoras coas solicitudes de licenza.
O estudo permitiu coñecer morfoloxías tipo, localizacións
preferentes, impacto ambiental das existentes, mellores técnicas utilizadas,
que serviron de base para definir os criterios técnicos incluídos
posteriormente na Ordenanza municipal sobre infraestruturas de radiocomunicación
no termo municipal da Coruña.
Entre todas as medidas que se propuxeron destaca a necesidade de crear unhas
zonas de cautela arredor dos espazos sensibles, nas que se
incrementasen as esixencias de minimización do impacto ambiental.
Tamén, e en relación co impacto visual, se creou a figura dos
denominados catálogos de mimetización, e fixáronse
as zonas que polo seu valor histórico ou natural deberían ser
protexidas. Entre estas inclúese o castro de Elviña, o castro
de Nostián, a Torre de Hércules e o petroglifo de Punta Herminia,
nas que se prohibe a súa instalación, e a zona de PEPRI, e a fachada
marítima, nas que se poderán instalar de forma restrinxida e despois
da aplicación previa de técnicas de
mimetización e integración no medio.
|
