 O porto
A intensa actividade portuaria non é obstáculo para uns cantos animais
que obteñen o seu alimento nesta zona. Non é raro observar unha
manda de delfíns mulares entre o dique de abrigo e o Castelo
de San Antón. En ocasións incluso se pasean pola dársena.
Entre cargueiros, arrastreiros ou palangreiros, voan varias especies de
gaivotas. As máis comúns son a patiamarela, a sombría
ou escura e a chorona. Na auga é doado descubrir corvos
mariños grandes e alcas.
Un lugar sorprendente é situado fronte ao Castelo de San Antón. Construído
a base de pneumáticos usados, é o refuxio durante a preamar dun
impresionante número de aves acuáticas que inclúen correlimos
ou pilros comúns, escuros e gordos, agullas de cola pinta, virapedras
ou píllara raxada, corvos mariños grandes e cristados… Ademais,
é o lugar de repouso de centos de gaivotas choronas, cabecinegras
e escuras, gaivotóns, carráns patinegros e moitas outras especies
de aves.
|
