Paredes e muros

A súa similitude aos cantís naturais converten os nosos edificios no fogar elixido por animais e plantas típicos daqueles. Neles crían aves como o vencello común, o raborrubio tizón, a gaivota patiamarela, a pomba… Outras, como o falcón peregrino, utilizan as nosas torres máis elevadas como atalaias de caza. A vexetación é aquí escasa. Aínda así, nalgúns puntos concretos poden medrar pequenos xardíns de algas e musgos, fentos como o Polipodio e incluso algunha floriña como o embigo de Venus.

Os muros das zonas máis rurais do municipio son moito máis ricos en vida. Aquí atoparemos lagartas, liques, caracois, multitude de insectos, plantas hepáticas e rubideiras…

 Itinerario flora e fauna