O tranvía histórico

Nos últimos dez anos A Coruña está vendo como as súas infraestruturas se renovan e modernizan. A existencia do paseo marítimo , que abraza agora toda a península da cidade, revalorizou barrios e áreas que permanecían á marxe das principais vías de comunicación urbana.

Os coruñeses aprendemos que o paseo é o lugar axeitado, incluso nos seus tramos máis afastados, para o ocio de persoas de todas as idades, dende os paseantes a deportistas, ciclistas ou patinadores, nenos, mozos ou maiores que o percorren cada día.

Pero o paseo non ten só esa función de andar e vagar. Dende o mesmo momento da súa concepción, é unha vía de circunvalación que complementa a rede viaria urbana, rodeando toda a península coruñesa e enlazando coas principais rondas. Así o dixo o alcalde en máis dunha ocasión: "o tranvía do paseo marítimo é o comezo dun proxecto mediante o cal tranvías lixeiros percorrerán o paseo e as rondas, chegarán ás estacións de autobuses e de ferrocarril e enlazarán co porto e coa universidade, conectando con toda a área metropolitana coruñesa".

 Tranvía