 Unha vella idea
A recuperación do antigo tranvía non é algo novo e hai xa
trece anos que comezou a súa andadura. Foi daquela cando se puido comprobar
que nuns talleres de Zaragoza permanecía aínda gardado un dos vellos
modelos "Siboney" que facían a liña A Coruña-Sada.
E unha vez que o Paseo Marítimo
era practicamente unha realidade, en 1994, o alcalde desprazouse ata a capital
aragonesa para contemplar o vehículo número 32, o mesmo coche
que servira na Coruña e que agora regresaría, perfectamente restaurado,
á nosa cidade.
A partir deste momento, o soño comezouse a fraguar co coñecemento
e co estudo doutras experiencias europeas ata que se lle puido dar forma ao
proxecto de futuro.
 En xaneiro
de 1993 redactouse o "Proxecto do Paseo Marítimo de Orillamar",
no que se contemplaba a execución dun tranvía entre o
Castelo de San Antón e a Avenida de Navarra.
En 1996 elabórase
o proxecto de "Electrificación e tracción da liña
do tranvía do Paseo Marítimo de Orillamar e a primeira fase do
Museo-Cocheras, vías de enlace, así como subministración
e instalación de subestación eléctrica e liña aérea
de contacto".
Finalmente, en
setembro de 1998, redactouse o "Proxecto de vía férrea
do tranvía da Coruña, tramos glorieta Avenida de Navarra-Hotel
Tryp María Pita e Castelo de San Antón-Porta Real".
|
