Vantaxes

O por que do regreso deste sistema de transporte, abandonado hai anos, haino que buscar nas novas ideas de sostenibilidade e de desenvolvemento urbano.

Trátase dun vehículo ecolóxico, modélico en canto a diminución da contaminación. A enerxía que o move é eléctrica, o que evita a emisión dos gases contaminantes habituais nos tubos de escape.

Circula sobre unha vía ríxida, sempre a escasos centímetros da beirarrúa, así que non só entorpece o tráfico moito menos ca un autobús, senón que ademais é moito máis accesible para os viaxeiros que se atopan con menos dificultades de acceso.

Ao dispoñer dun corredor exclusivo nunha cidade que ten a rede de semáforos informatizada, e ao moverse por impulsos eléctricos, o tranvía é un verdadeiro metro lixeiro, eficaz e capaz de comunicar diferentes puntos da cidade con axilidade. A súa flexibilidade permítelle admitir diferentes graos de pendentes e de curvatura que lle permiten integrarse nos desenvolvementos urbanos xa existentes.