 Un día sen coches
Un dos ruídos máis habituais en calquera cidade é o xerado
polo tráfico de automóbiles. O Día europeo sen coches,
unha iniciativa anual que se coordina dende a Unión Europea, é unha
magnífica ocasión para comprobar como entre todos podemos reducir
a contaminación acústica das nosas rúas con só cambiar
o coche por camiñar ou polos transportes urbanos.
Durante o pasado 22 de setembro, o Día europeo
sen coches, realizouse a medición do nivel sonoro nun punto
concreto, coa intención de comprobar a influencia do tráfico rodado
no nivel sonoro da cidade. O sonómetro situouse nun punto céntrico,
próximo á igrexa castrense na rúa San Andrés, con
tráfico intenso habitual e que nesta ocasión estivo cerrado ao
tráfico.
Ademais desta medición realizáronse outras comparativas os días
21, 28 e 29 do mesmo mes. En cada ocasión mídese o nivel de presión
acústica equivalente Leq (60 s Leq), magnitude que representa
o nivel de ruído constante que nun intervalo de tempo (concretamente
en 60 segundos) contén a mesma enerxía sonora total có
ruído variable que se produciu. En cada franxa horaria realizáronse
doce medidas entre as 9:00 e as 14:00 e as 16:00 e as 18:00 horas.
o día 22, con ausencia de tráfico, rexistrouse un descenso medio
do 11,5 % nos niveis medios de decibelios. O sábado foi un día
"menos ruidoso" có venres. Aínda así
comparando os dous sábados, a redución é significativa,
dun 9,2 %.
|
