O control do ruído

De todas as fontes de ruído existentes: transporte de persoas e mercadorías, tráfico aéreo, tráfico ferroviario, transporte e servizos públicos, ruído industrial, a construción e as obras públicas, o ocio nocturno (discotecas, bares, salas de festas), as instalacións (climatización, ascensores, etc.), o ruído comunitario (cans, equipos e instrumentos de música, etc.), son sen dúbida, as relacionadas co exercicio irregular das actividades as que xeran o meirande número de queixas.

O control do ruído na Coruña realízano os servizos técnicos da Sección de Aperturas do Servizo de Urbanismo, despois da denuncia previa por escrito, e a Policía Local, coas chamadas ao 092.