A auga na Coruña

A auga é esencial para a vida. E por suposto, tamén para a vida dunha cidade como A Coruña. Pero a cantidade total de auga do planeta é constante e non se pode incrementar. Por iso é fundamental preservar a súa calidade e establecer sistemas de uso persoal e comunitario que eviten a súa degradación. Este é o noso reto.

A Coruña, unha cidade-península rodeada polo mar, conta cun complexo sistema de captación e distribución de auga potable. A xestión da oferta e a demanda deste ben, tan común como crucial para todos, lévase a cabo dende a Empresa Municipal de Aguas de A Coruña, S.A. , da que é propietario nun 100% o Concello. Os servizos prestados por EMALCSA consisten, basicamente, no abastecemento de auga, na limpeza da rede de sumidoiros e no pretratamento da auga residual. EMALCSA tamén abastece os municipios colindantes de Oleiros, Culleredo, Arteixo, Sada, Bergondo, Cambre e Carral.

 Ciclo da auga