Mantemento para o futuro

Unha vez realizado o cerre e o selado do vertedoiro, o Concello dálle forma ao contrato para o mantemento do vertedoiro selado e da zona rexenerada do Parque de Bens. Este contrato ten por obxecto cumprir coa Directiva 1999/31/CE do Consello, do 26 de abril, relativa ao vertido de residuos , no seu apartado relativo aos procedementos de control e vixilancia, recollidos no anexo III. Baixo esta fórmula, garántese a satisfacción dos requisitos legais expresados na devandita normativa en canto ao mantemento da zona selada, ao seu control medioambiental e dos diferentes parámetros esixidos, así como ao mantemento da zona verde do parque. Unha iniciativa que permite abaratar o custo deste mantemento é incluír nel o aproveitamento enerxético do biogás resultante do vertedoiro unha vez selado.