 Recollida de monomaterial
A recollida do
dos colectores de recollida selectiva é especial polas características
dos propios colectores, fundamentalmente tipo molok (iglús enterrados),
nas illas verdes.
As 273 illas verdes distribúense ao longo de nove rutas
de limpeza estratexicamente situadas sobre o mapa de situación. Estas rutas
son revisadas diariamente polo persoal de recollida, para verificar o seu estado
de enchido, clasificándoos en "cheo", "tres cuartos"
ou "metade". Nos dous primeiros casos a recollida realízase
no mesmo día e no último agárdase a que o colector estea
máis cheo. As rutas cóbrense diariamente, agás sábados,
domingos e festivos.
En épocas ou días especiais realízase un reforzo na recollida,
por exemplo no Nadal ou despois de festivos e domingos. Nestas datas é
cando a xente máis colabora nesta recollida de monomaterial.
A retirada dos residuos realízana dous camións especialmente
deseñados para adaptarse aos colectores moloks. Habitualmente só
un deles fai as rutas, mentres que o outro permanece en reserva ou de reforzo.
Son camións de 20 metros cúbicos de capacidade. O feito de baleirar
os colectores realízase por un sistema de grúa que retira o saco
interior, este ábrese por debaixo e baléirase na caixa do camión.
Tamén nesta fase a participación cidadá é importante,
dando aviso de calquera circunstancia ou de colectores saturados, no
teléfono de colaboración cidadá 010.
|
