Carta de Aalborg

A carta das cidades europeas cara á sostenibilidade, coñecida como "Carta de Aalborg", foi asinada nesta cidade danesa por 80 autoridades locais europeas, logo da clausura da Conferencia Europea sobre Cidades e Poboacións Sostibles realizada entre o 24 e o 27 de maio de 1994. A Carta de Aalborg supuxo o comezo da Campaña Europea de Cidades e Poboacións Sostibles.

Calquera autoridade local ou conxunto de autoridades locais pode adscribirse á campaña aprobando e asinando a carta. Isto compromete a autoridade local a participar no proceso da Axenda 21 Local, que ten como fin crear e poñer en práctica un plan de acción local para a sostenibilidade.

A Coruña aprobou e asinou a Carta de Aalborg e ratificouna durante a Cumbre de Aalborg + 10. Rematado xa o diagnóstico municipal, puxéronse en marcha un bo número de actuacións, das que hai unha boa mostra nesta web, co fin de poder cumprir os compromisos de sostenibilidade previstos no devandito documento.