Unha cidade no mar

Nas Rías Altas galegas, o océano Atlántico rodea a cidade da Coruña, punto de partida e chegada de pobos e culturas, que durante máis de 2.000 anos deixaron lendas, mitos e historia en cada recuncho desta cidade mariñeira.

A Coruña é un enclave idóneo para practicar deportes náuticos como o surf, a vela, o mergullo, a pesca, ...

Situada a 43º 22' N, 08º 23' W, cunha temperatura media de 14º e máis de 2.000 horas de sol anuais, A Coruña é un enclave idóneo para practicar deportes náuticos como o surf, a vela, o mergullo, a pesca, ou sinxelamente bañarse nas súas praias e percorrer o paseo marítimo.

O paseo marítimo, un dos máis longos de Europa, actualmente ten 9 quilómetros de longo, 13 cando estea totalmente concluído, dispón dun carril bici que permite a práctica do ciclismo de forma cómoda e segura.

A oferta deportiva da cidade complétase con numerosas instalacións e institucións públicas e privadas que ofrecen a posibilidade de gozar de deportes como o golf, o tenis, a equitación, os deportes aéreos, etc.