Mil sabores, mil praceres.

A cidade da Coruña ten unha ampla tradición culinaria. Esta tradición pódese comprobar nos centos de restaurantes, tascas e tabernas nos que degustar os mellores manxares da nosa terra. Peixes e mariscos de gran calidade acabados de sacar do mar: rabada, linguado, percebes, nécoras e cigalas. Tenreira galega preparada de mil formas e o porco, presente en moitas festas gastronómicas.

Peixes e mariscos de gran calidade acabados de sacar do mar: rabada, linguado, percebes, nécoras, ...

E estas materias primas pódense atopar na nosa cidade preparadas dunha gran variedade de xeitos e cos estilos máis diversos, dende a cociña tradicional do polbo "á feira", o cocido e as filloas á cociña máis innovadora e creativa que estimula todos os nosos sentidos. Sen esquecer a cociña puramente coruñesa.

Os produtos da máis alta calidade e preparados co meirande esmero e profesionalidade pódense acompañar dos exquisitos viños das denominacións de orixe galegas: Monterrey, Rías Baixas, Ribeira Sacra, Ribeiro ou Valdeorras.

Elixa a forma que desexe para comer e beber na Coruña e seguro que acerta e repite.

Nesta sección ofrecémoslle unha selección de restaurantes, mesóns, vinotecas, cervexerías e xeaderías nos que gozar do bo facer dos nosos profesionais.

Atopará unha lista máis ampla no directorio de empresas no apartado hostalería.