DESDE EL 18/1/07 NO SE ACTUALIZA ESTE WEB. PARA VER NUESTRO NUEVO PORTAL VISITE www.coruna.es

Único faro romano do mundo en funcionamento. Data do século II e, aínda que tivo varias reformas, conserva a súa estrutura orixinal. A Torre elévase 112 m sobre o nivel do mar, dende esta atalaia as vistas son maxestosas. É o símbolo máis internacional da cidade.

CASTELO DE SAN ANTÓN.
Situado na illa de San Antón, un antigo lazareto que posteriormente sería fortaleza e prisión, ofrécelle ao visitante un percorrido pola prehistoria, a cultura dos castros e a época reoromana na Coruña e nos seus arredores.

Un lugar para se divertir coa ciencia, cualificado por Umberto Eco como o museo máis formidable do mundo. Contén, entre outras cousas, módulos para experimentar fenómenos sorprendentes, unha incubadora onde vemos nacer pitiños de galiña, exposicións e un planetario que ofrece programas en directo e gravados.

Domus, Casa do home, Cine IMAX
O único museo interactivo conceptual e monográfico sobre o ser humano. Coñecer un cadro da Gioconda realizando 10.062 fotografías de persoas de todo o mundo, ver imaxes dun parto, elaborar un menú e comprobar se é equilibrado ou ver os latidos do propio corazón son algunhas das propostas para os visitantes.

O acuario da fin do mundo é un lugar para namorarse... do mar. Contén, ademais do gabinete do Capitán Nemo, somerxido na piscina máis grande de Europa, elementos de museos que propoñen experiencias como tocar a superficie de estrelas de mar ou de rodaballos e coñecer onde viven os lagostinos. Tres piscinas exteriores albergan ademais focas, polbos e outras especies das costas do Atlántico europeo.

A VIDA DE MARÍA PITA. María Mayor Fernández de la Cámara Pita, coñecida popularmente como María Pita, naceu arredor de 1560 na Coruña no seo dunha familia modesta. En 1581 contraeu matrimonio con Juan Rois, ao que lle seguirían outros tres esponsais máis: co carniceiro Gregorio de Rocamonde, co mestre de navío Sancho de Arratia e co escudeiro da Real Audiencia Gil de Figueroa, cos que tivo un total de catro fillos. Á marxe da súa intervención no cerco, a súa vida estivo chea de vicisitudes, entre as que figuran dúas viaxes a Madrid e a participación en numerosos preitos. Faleceu en Cambre en 1643 e aínda que no seu testamento solicitaba ser enterrada no convento de Santo Domingo da Coruña, non se conserva ningún documento que o acredite nin se puido identificar a súa tumba.

Edificación moderna que se asenta no antigo convento das Capuchinas, presenta numerosas obras procedentes do Museo do Prado, pintura española e europea dos séculos XVI ao XX, e pintura galega do XIX e do XX. Expón tamén unha ampla colección de gravados de Goya e pezas de cerámica de Sargadelos.

Pódese admirar unha estupenda colección de reloxos que se foi forxando a partir das 82 pezas que lle doou ao Concello don Antonio Ríos Mosquera. Está situado no Palacio Municipal.