Dende a Concellería de Emprego e Empresa do Excmo. do Concello da Coruña levouse a cabo durante o presente curso escolar 2014-2015, a VIII edición dos Premios Formación para Emprender e realizouse a V Feira de Ideas Empresariais cun total de 40 proxectos presentados, 12 proxectos finalistas que expuxeron as súas ideas o día 24 de marzo no Centro Ágora dende as 10 ás 13.30 horas.

As mellores iniciativas emprendedoras presentáronse publicamente na Feira de Ideas Empresariais e, ademais, premiáronse os tres mellores proxectos a través dos Premios Formación para Emprender.

O obxectivo fundamental deste programa é incentivar o espírito emprendedor entre o alumnado de centros educativos que imparten ciclos de formación profesional e ensinos especiais da cidade.

Para a execución deste programa contouse coa colaboración, ademais da Consellería de Educación, IGAPE, organismo dependente da Consellería de Economía e Industria, especializado en emprendemento e empresas.

A acollida do programa por parte dos centros pódese cualificar de moi exitosa sendo os datos de participación neste ano os seguintes:

• Nº de centros participantes: 8 centros
• Nº de centros que presentaron proxectos: 7 centros
• Nº de especialidades participantes: 18
• Nº de especialidades que presentaron proxecto: 11
• Nº de alumnado participante: 351
• Nº de alumnos que presentaron proxecto:124
• Nº de horas de formación do proxecto: 54
• Nº de proxectos presentados: 40
• Nº de proxectos finalistas que expoñen en feira: 12
• Nº de proxectos para premiar: 3

Ao acto asistiron o alumnado e o profesorado que participou ao longo do curso escolar 2014-2015 no programa, ademais dos representantes das administracións que impulsaron este proxecto e entidades convidadas relacionadas co tema da emprendizaxe.

Máis información pode consultarse na páxina web habilitada para tal fin www.iniciacoruna.com.