Publicada no Diario Oficial de Galicia a Orde do 12 de Agosto de 2015, da Consellería de Traballo e Benestar pola que se establecen as bases reguladoras do Programa para a promoción do emprego autónomo.

A finalidade do programa é a promoción e axuda, a través de financiamento, daqueles proxectos empresariais que faciliten a creación do seu propio posto de traballo ás persoas desempregadas que pretendan desenvolver a súa actividade profesional, en Galicia, como persoas traballadoras autónomas ou por conta propia.

A axuda, subvencionará as altas na Seguridade Social ou nas mutualidades formalizadas nos prazos que indica a orde.

Para poder participar nesta axuda, deben reunirse os requisitos seguintes:

- Alta no réxime especial de autónomos ou en calquera outro réxime especial da Seguridade Social ou mutualidade entre o 01/10/2014 e o 30/09/2015, como titulares ou cotitulares de negocio explotación.

- Non estar inscritas no Sistema Nacional de garantía Xuvenil.

- Non recibir subvencións nos últimos 4 anos.

- Non desenvolver a mesma actividade como traballadores ou traballadoras autónomos nos últimos 6 meses inmediatamente anteriores á data de inicio da nova actividade.

Consulta o detalle e resto de condicións da orde, aquí.