Publicada no Diario Oficial de Galicia a Orde de 12 de Agosto de 2015, da Consellería de Traballo e Benestar pola que se establecen as bases reguladoras do Programa para a promoción do emprego autónomo para as persoas inscritas no Programa operativo de emprego xuvenil.

A finalidade do programa é a promoción e axuda, a través de financiamento, daqueles proxectos empresariais que faciliten a creación do seu propio posto de traballo ás persoas desempregadas que figuren inscritas no Sistema nacional de garantía xuvenil que pretendan desenvolver a súa actividade profesional, en Galicia, como persoas traballadoras autónomas ou por conta propia.

A axuda, subvencionará as altas na Seguridade Social ou nas mutualidades formalizadas nos prazos que indica a orde.

Para poder solicitar esta axuda, deben reunirse os requisitos seguintes:

- Estar inscritas no Sistema Nacional de garantía Xuvenil.

- Non traballar os 30 días naturais anteriores á data de inicio da actividade laboral.

- Non recibir subvencións nos últimos 4 anos.

- Non desenvolver a mesma actividade como traballadores ou traballadoras autónomos, na mesma localidade, nos últimos 6 meses inmediatamente anteriores á data de inicio da nova actividade.

Consulta o detalle e resto de condicións da orde, aquí.