Este mércores día 29 ponse en marcha a Campaña de divulgación e difusión de novos perfís profesionais na era dixital "1 mes, 1 profesión dixital". Inaugura a campaña, a xornada 'Faite profesional do... márketing dixital', destinada a coñecer, de primeira man, as competencias e habilidades profesionais relacionadas coa demanda actual do mercado de traballo.

A Axencia para a Modernización Tecnolóxica de Galicia [AMTEGA] en colaboración co Colexio Profesional de Enxeñería Informática de Galicia [CPEIG], poñen en marcha esta campaña que se desenvolverá ao longo de todo o 2015; o seu obxectivo é concienciar a mocidade, profesionais, universitarios ou calquera persoa interesada nos coñecementos necesarios para desenvolver as novas profesións TIC.

A asistencia e inscrición son gratuítas pero é necesario realizar a a través do correo electrónico eventos@cpeig.org.