O público poderá gozar da escatoloxía máis “quevediana” e do enxeño da improvisación ao máis puro estilo do Século de Ouro español. 

Nesta nova produción teatral, Moncho Borrajo rodeouse de grandes profesionais. Xunto a el conta coa colaboración especial da actriz Lucía Bravo. Unha coidada posta en escena, na que participaron algúns dos máis prestixiosos nomes no deseño do vestiario, iluminación e escenografía. A música é orixinal, composta e gravada para esta función.

Carlos Latre, recoñecido actor e humorista, participa nesta comedia, poñendo as voces de numerosos personaxes.

Déixense sorprender. El intentarao en todas e cada unha das súas funcións como sempre o fixo durante estes anos, nos que o público o referendou día a día cos seus aplausos.