Os que se acheguen á Sala O Túnel o venres descubrirán as novas propostas da canteira musical da cidade, divididas en catro estilos:

- 19.00 h. Pop: Senectud Sideral, Say My Name e Us In The Mirror

- 20.30 h. Rock alternativo: Breathing Loud, Mano City Blue, Tanit e Hooked

- 22.30 h. Rock: Beards & Beers, After All, The Aerial Root e The Ice Road

- 00.30 h. Metal: Hateout

Para acceder, deberedes adquirir unha invitación no Centro Municipal de Información Xuvenil do Fórum Metropolitano, ou nos propios Locais de Ensaio e, de non esgotarse previamente, no acceso á Sala O Túnel o día do concerto.

Habilitarase un espazo na recepción para recibir as doazóns de 3 Kg de comida non perecedoira do público, que irán a favor da Cociña Económica.

O obxectivo deste evento é, por unha banda, mostrar o traballo realizado polos 12 grupos participantes nos últimos meses e, polo outro, superar os 1350 Kg de alimentos obtidos na anterior edición (aínda que achegarse a esa cifra xa sería un éxito).