As primeiras influencias de Javier Vargas atopámolas no rock arxentino de finais dos 60 e comezos dos 70 en grupos como Led Zeppelin, Black Sabbath, Crea, Rolling Stones, The Doors e en guitarristas como Jimi Hendrix, Carlos Santana ou B.B.King que, aínda hoxe, son para el importantes fontes de inspiración.

Nos 80 regresou a España. Formou parte da banda de Miguel Ríos e participou en varios dos seus álbumes Los Viejos Rockeros Nunca Mueren, Rock and Roll Boomerang, Rock and Rios achegando temas como Un caballo llamado Muerte, Generación Límite, ou Nueva Ola.

Colaborou con La Orquesta Mondragón, e traballou como músico de sesión e compositor. En 1991 dá o paso máis importante da súa carreira e crea a súa propia banda. Vargas Blues Band celebrou o seu 20 aniversario no 2012 con & Company. Un traballo discográfico onde Javier Vargas recompila algunhas das máis interesantes colaboracións da súa carreira. Incluíndo novos temas e nalgúns casos novas mesturas (actualizando o seu son), con algúns dos artistas internacionais máis importantes da historia do rock. Auténticos músicos-lenda que xunta a Javier Vargas e a súa banda, Vargas Blues Band, interpretaron temas propios e clásicos do rock.

http://www.vargasblues.com

Entradas: 15.00 euros (venda anticipada ata o 25 de abril ás 23.59 h - 12.00 euros)

Venda de entradas:

- Despacho da Praza de Ourense: de luns a venres de 9.30 a 13 h e de 16.30 a 19.30 h (pagos en efectivo)

- Despacho d'O Túnel: unicamente día do concerto

- Televenda: 902 504 500 - www.servinova.com