Todo Público é o ciclo de artes escénicas para público familiar, unha ampla oferta que achega o teatro aos máis novos da casa. Nesta ocasión presentamos 15 espectáculos e por primeira vez haberá espectáculos creados para nenos menores de 3 anos.

Unha experiencia para vivir en familia.

A oferta desenvólvese maioritariamente no Fórum Metropolitano, pero cando as necesidades escénicas o esixen os espectáculos lévanse a outros espazos, por iso hai obras programadas no Teatro Rosalía e no Ágora.

ENTRADAS: 5 €.

Abono 3 (familiar): 12 € (inclúe como mínimo a un adulto e a un menor).

VENDA DE ENTRADAS:

- Despacho da praza de Ourense: de luns a venres, excepto festivos de 9.30 a 13 h e de 16.30 a 19.30 h (pagos en efectivo).

- Despacho do Fórum: dende unha hora antes do espectáculo (pagos en efectivo).

- Despacho do Teatro Rosalía: mesmo día do espectáculo de 12 a 14 h e de 18 a 20.30 h (pagos en efectivo).

- Venda telefónica: 902 504 500, de luns a sábado de 8 a 22 h.

- Internet: www.servinova.com (servizo permanente 24 h) PAGOS: con tarxeta de débito (rede 6000) ou de crédito (VISA e Master Card).